ӨВӨРХАНГАЙ АЙМГИЙН АЖИГЛАЛТ СУДАЛГААТАЙ ГОЛУУДЫН УСНЫ ТҮВШНИЙ ТОЙМ МЭДЭЭ

ӨВӨРХАНГАЙ АЙМГИЙН АЖИГЛАЛТ СУДАЛГААТАЙ ГОЛУУДЫН

УСНЫ ТҮВШНИЙ ТОЙМ МЭДЭЭ

2023 оны 8 дугаар сарын 11-ны өдрийн байдлаар

            Хангай нурууны зүүн хойд хажуугаас эхтэй Орхон гол нь Бат-Өлзий сумын орчим усны түвшин олон жилийн дунджаас 10 см-ээр их, усны дундаж гүн 40-70 см байгаа бол Хархорин сумын орчим усны түвшин олон жилийн дунджаас 20 см бага, усны дундаж гүн 45-80 см байна.

          Хангай нурууны өврөөс эхтэй Онги гол Уянга сумын орчим усны түвшин олон жилийн дунджийн орчим, усны дундаж гүн 25-35 см байна. Арвайхээр сумын орчимд усны түвшин олон жилийн дунджаас 15 см бага, усны дундаж гүн 30-60 см байна. Үерийн улмаас голын гулдрил ихээхэн өөрчлөгдсөн.

             Хангай нурууны өвөр хажуугаас усжих Таац гол Нарийнтээл сумын орчим усны түвшин олон жилийн дунджаас 20 см бага, усны дундаж гүн 20-25 см байна.

             Сангийн далай нуураас эхтэй Зэгстэй гол нь Өлзийт сумын орчим усны түвшин олон жилийн дунджаас 15 см их, усны дундаж гүн 15-45 см байна. Хөгшин Орхон гол нь Хархорин сумын орчим усны түвшин олон жилийн дунджаас 5 см их, усны дундаж гүн 35-45 см байна.

Арвайхээр сумын газар доорх усны түвшний ажиглалтын цооногт хэмжсэн хэмжилтийн дүнгээс үзэхэд газрын доорх усны түвшин өмнөх оноос 25 см доошилсон байна.

ӨВӨРХАНГАЙ АЙМАГ  УЦУОШТӨВ

УС СУДЛАЛЫН САЛБАР